TORRIJOS, Marinduque -- Pansamantalang hindi magagamit ang automated teller machine (ATM) ng Landbank at Cardbank na matatagpuan sa Poblacion, Torrijos matapos pagbabasagin ang mga screen nito gabi ng Sabado, Enero 21.
Ayon sa ulat ng Torrijos Municipal Police Station (MPS), bandang alas 7:40 ng gabi, isang lalaki ang lumapit sa ATM ng Landbank sa harap ng Torrijos Municipal Building at bigla na lamang nitong binato ang nasabing machine.
Ganito rin ang ginawa ng lalaki sa automated teller machine at digital cash machine ng Cardbank na matatagpuan malapit sa Torrijos Municipal Hospital.
Agad namang nakilala ang suspek na si Alyas Boy Bato (hindi tunay na pangalan), 36 anyos, naninirahan sa Barangay Sibuyao at may deperesya sa pag-iisip na sa kasalukuyan ay nasa kustodiya na ng Torrijos MPS. (Romeo A. Mataac Jr/MNN)
