TORRIJOS, Marinduque --  In line with the celebration of the 123rd anniversary of the Battle of Pulang Lupa, the Department of Agrarian Reform (DAR) through its provincial office handed over a hauling truck worth P3.5 million to the Maranlig CARP Beneficiaries Agriculture Cooperative (MACABACO).

The hauling truck, a crucial addition to MACABACO’s resources, was financed through the Agrarian Reform Fund (ARF) dedicated to supporting the Comprehensive Agrarian Reform Program (CARP) with an aim to enhance the cooperative’s capacity for agricultural activities and transportation.

The official turnover signifies a step forward for MACABACO, previously known as the Maranlig CARP Beneficiaries Association which was founded in 2020 and transitioned into a cooperative earlier this year.

Present in the activity were MACABACO representatives Federico Larracas, Emilio Quereza and other cooperative officers who expressed their gratitude for the valuable addition to their resources.

The turnover also occurred with the presence of OIC-Provincial Chief Administrative Officer Rafaela Orilla, OIC-Comprehensive Agrarian Reform Program Officer of the Program Beneficiaries Development Division Ollie Davalos, Municipal Agrarian Reform Program Officer Anton Llanes together with the key officials from the local government of Torrijos headed by Acting Vice Mayor Joel Cruzado.

The generous contribution is expected to empower the cooperative and further boost their agricultural endeavors, contributing to the growth and prosperity of the municipality. (Ana Maria Korina D. Arcilla/MNN)

BOAC, Marinduque -- A total of 891 motorists benefit from the mobile emission testing conducted by the Land Transportation Office (LTO)-Boac District Office, recently.

Among them, 589 motorcycles, 265 tricycle for hire and 37 utility vehicles participated in the evaluation which aims to streamline the emission testing process and remedy the persistent issue of the lengthy queues at the province’s lone private emission testing center (PETC).

This innovative approach was made possible through the efforts of the agency and the local government unit of Boac with the support of the provincial government and LTO-Mimaropa which lasted for 12 days.

In a message, Vice Mayor Mark Anthony Seño expressed his gratitude to the Department of Transportation (DOTr) for granting the local government’s request. He also added that the national agency is in the process of reviewing the two private emission testing centers who secured an authorization to operate.

“We sincerely thank the DOTr for providing their quick response to alleviate the congestion at the PETC and for helping our fellowmen in securing the much needed requirement in renewing their vehicles. We are also grateful for the proactive efforts of LTO-Boac for facilitating the mobile emission testing,” Seño added.

The success of the program serves as an example of government agencies’ responsiveness to local issues, providing practical solutions for the benefit of the community especially the motorists and riding public. (Ana Maria Korina D. Arcilla, MNN)

BOAC, Marinduque -- Tumanggap nang tulong pinansyal na nagkakahalaga ng P15,000 bawat isa ang limang rice retailer mula sa lalawigan ng Marinduque nitong Miyerkules, Setyembre 20.

Ayon kay Sonia De Leon, regional program coordinator ng Sustainable Livelihood Program (SLP) ng Department of Social Welfare and Development (DSWD)-Mimaropa, layon ng gawain na mabigyan ng 'financial assistance' ang mga micro at small rice retailer sa buong bansa na naapektuhan ng price cap para sa regular at well-milled na bigas.

"Sa ilalim ng Economic Relief Subsidy ng aming ahensya, katuwang ang Department of Trade and Industry (DTI), Department of Interior and Local Government (DILG) at iba pang ahensya ng gobyerno, kami po ay binigyan ng direktiba ng ating Pangulong Ferdinand Marcos, Jr. na ipagkaloob sa inyo itong one-time emergency rice subsidy mula sa ating pamahalaan," wika ni De Leon.

Alinsunod sa Executive Order No. 39 na inilabas ng Pangulo ng Pilipinas, inaatasan ang mga rice retailer sa bansa na gawing P41 ang kilo ng regular milled rice habang ang well-milled rice ay dapat ibenta sa halagang P45 kada kilo.

Sinabi naman ni Roniel Macatol, provincial director ng DTI-Marinduque na base sa kanilang ginawang monitoring, agad na tumugon ang limang rice retailer sa probinsya sa panawagan ng Pangulo at nakapagsumite rin ang mga ito ng kaukulang dokumento para maging kwalipikado sa subsidiya.

Kabilang sa mga benepisyaryo ay ang Ramon Apostol Rice and Feeds Retailer mula sa bayan ng Boac, Ruben Belen de Chavez Store at Karren's Sari-Sari Store ng Mogpog, RTS Marinduque Enterprise ng Santa Cruz at Marife Rice and Feed Retailing ng Buenavista.

"Malaking tulong po itong P15,000 na ibinigay sa amin ng pamahalaan dahil maipandadagdag namin ito sa aming puhunan sa gayong paraan ay mapananatili namin na mababa ang presyo ng mga binibenta naming bigas. Sa katunayan ay talagang mababa po ang presyo ng bigas sa aming tindahan at lalo namin ito ibinababa tuwing araw ng Linggo dahil marami po sa amin ang namimili na galing pa sa ibang barangay," pahayag ni Exaltacion Nuñez, isa sa mga benepisyaryo at may-ari ng Karren's Sari-Sari Store sa Mogpog.

Sa pamamagitan ng EO No. 39, sinisikap ng administrasyong Marcos na mabawasan ang pagtaas ng presyo ng mga pangunahing bilihin na dulot ng pag-iimbak at pagmamanipula ng presyo gayundin para protektahan ang mga mamimili laban sa mga hoarder at kartel ng bigas. (Romeo A. Mataac, Jr./PIA Mimaropa-Marinduque)

BUENAVISTA, Marinduque -- Natanggap na nang nasa 3,461 na mga benepisyaryo ng Tulong Panghanapbuhay sa Ating Disadvantaged/Displaced Workers o TUPAD sa lalawigan ng Marinduque ang sahod para sa kanilang 10 araw na pagtatrabaho noong nakaraang buwan ng Hulyo.

Ito na ang ika-apat na payout distribution sa taong 2023 para sa mga naging kabahagi ng programang TUPAD sa probinsya na ipinagkaloob ng Department of Labor and Employment (DOLE) katuwang ang Pusong Pinoy Partylist, Office of the Congressman, Provincial Government of Marinduque at Livelihood Manpower Development and Public Employment Service Office (LMD-PESO).

Base sa tala ng LMD-PESO, umabot sa 2,133 ang bilang ng mga indibidwal na tumanggap ng kanilang sahod mula sa mga bayan ng Boac at Mogpog habang 1,328 naman ang nagmula sa munisipalidad ng Buenavista at Torrijos.

Ayon kay Alma C. Timtiman, chief administrative officer at head ng LMD-PESO, patuloy silang makikipag-ugnayan sa mga ahensya ng gobyerno lalo't higit sa DOLE upang makapagbigay ng maayos na trabaho sa mga Marinduqueno.

"Asahan po ninyo ang aming tuluy-tuloy na paghahatid ng mga programa at serbisyo ng Department of Labor and Employment at ng ating pamahalaang panlalawigan sa pangunguna nina Gov. Presbitero J. Velasco, Jr. at Cong. Lord Allan Jay Velasco," pahayag ni Timtiman.

Ang TUPAD ay isang community-based program ng DOLE na nagbibigay ng kagyat na trabaho sa mga mamamayang nasa impormal na sektor gaya ng underemployed o self-employed workers na nawalan o naapektuhan ang kabuhayan o kita dahilan sa kalamidad o iba pang uri ng sakuna kung saan sila ay inaasahang magtatrabaho sa loob ng hindi bababa sa 10 araw ngunit hindi lalagpas sa 30 araw depende sa uri ng trabaho na iaatas sa kanila. (Ana Maria Korina D. Arcilla, MNN)

TORRIJOS, Marinduque -- Napananatili ng lalawigan ng Marinduque ang pagiging rabies-free status at best rabies program implementer sa nakalipas na halos isang dekada.

Pitong taon ang nakararaan nang garawan at kilalanin ng National Rabies Prevention and Control Committee (NRPCC) ang probinsya bilang isa sa 37 na local government units (LGU) sa buong bansa na nagpapatupad ng pinakamahusay, de-kalibre at seryosong programa ukol sa rabies.

Nitong Setyembre 4 hanggang Setyembre 8, bilang tugon sa Mimaropa Initiative, One Time Big Time: Mass House to House Anti-Rabies Vaccination and Mass Neutering of Dogs and Cats na may temang 'Sa Mimaropa, ang pagsugpo sa rabies ay sama-sama hindi kanya-kanya', muling umarangkada ang grupo ni Dr. Josue Victoria, provincial veterinarian para magbakuna at magkapon ng mga aso at pusa sa probinsya.

Kasama ni Dr. Victoria ang buong pwersa ng Provincial Veterinary Office katuwang ang Philippine Veterinary Medical Association (PVMA), mga volunteer vaccinator mula sa Puerto Princesa City, Sablayan, Mamburao, Magsaysay, Rizal, Occidental Mindoro, San Jose Del Monte at San Juan City gayundin ang mga kinatawan mula sa Provincial Veterinary Office ng Oriental Mindoro at Romblon.

Kabilang din sina PVMA Vice-President Elect Dr. Harris Constantino at PVMA Board of Director Dr. Jerry Alcantara sa nakiisa sa gawain kung saan ay nagkaloob ang mga ito ng 30 Zoletil vials at iba pang medikal na gamit para maging matagumpay ang inisyatiba.

Sa panayam kay Victoria, ibinahagi n'ya na umabot sa 5,000 na aso at pusa mula sa bayan ng Gasan at Torrijos ang nabakunahan kontra rabies habang humigit 500 naman dito ang nakapon kaya lubus-lubos ang kanyang pasasalamat sa mga tumugon at umagapay sa proyekto.   

"Kung kami lamang ang gagawa ng ganitong inisyatiba ay aabutin kami ng isang taon bago matapos ang ganyan karaming nabenepisyuhan ng programa. Pero dahil sa bayanihan at pakikiisa ng mga kinatawan mula sa iba't ibang probinsya sa Mimaropa at siyudad sa bansa, nagawa lamang natin ito sa loob ng limang araw," pahayag ng provincial veterinarian.

Ang Mimaropa Initiative ay nagkakaisang pagkilos upang sugpuin ang pamiminsala ng rabies sa buong rehiyon habang sa pamamagitan nito ay umaasa ang pamahalaang panlalawigan na mapanatili ang rabies-free status ng Marinduque na nag-iisang probinsya sa Mimaropa na wala nang aktibong kaso ng rabies sa tao at maging sa hayop. -- Marinduquenews.com

BOAC, Marinduque -- Nasa 27 bilanggo o Persons Deprived of Liberty (PDL) mula sa Marinduque Provincial Jail at Boac Jail Management and Penology (BJMP) ang tumanggap ng hygiene kits at tsinelas sa isinagawang outreach program ng Philippine Councilors League (PCL)-Marinduque Chapter.

Ang 'Care Beyond Bars' ay bahagi ng pagdiriwang ng ika-33 taong pagkakatatag ng Philippine Councilors League na may temang PCL: Synergy of Creative Programs and Best Practices Towards Global Collaboration.

Ayon kay Konsehal Mark Angelo Jinang, Secretary General ng PCL-Marinduque Chapter, layunin ng gawain na kumustahin at pasayahin sa maikling panahon ang mga bilanggo na kasulukuyang nakapiit habang naghihintay sa tuluyan nilang paglaya.

Dumalo naman sa gawain ang iba pang mga konsehal mula sa bayan ng Boac, Gasan, Buenavista at Santa Cruz kasama si PCL-Marinduque Chapter President Jose Neryl Manggol. Dumalo din upang magbigay ng suporta si Mayor Armi Carrion na nagpaabot ng mensahe para sa mga bilanggo.

Sinabi ni Carrion na ang mga PDL ay may karapatan sa kanilang pangalawang pagkakataon. Itinuring din niya ang gawain bilang hakbang patungo sa rehabilitasyon at reintegrasyon sa lipunan.

“Hindi po dahil kayo ay naririto ay dito na nagtatapos ang direksyon ng inyong buhay. Ang buhay ng tao ay talagang susubukin ng mga pagkakataon ngunit ito rin ay oportunidad upang mas mapalapit, patuloy na tumawag tayo sa Panginoon at huwag mawalan ng pag-asa. Alam ko na matatapos din ang lahat ng ito at sa susunod nating pagkikita, ipagdarasal ko na kasama na ninyo ang inyong pamilya sa labas ng piitang ito,” pahayag ng alkalde.

Sa pagtatapos ng programa ay nagkaroon ng pamamahagi ng pagkain at videoke contest para sa mga bilanggo kung saan ay kanilang ipinamalas ang galing at husay sa pag-awit ng iba't ibang genre ng musika. -- Marinduquenews.com

GASAN, Marinduque -- Tumanggap ng mga alagaing manok mula sa Department of Agriculture (DA) ang nasa 149 na mga residente sa bayan ng Gasan, Mogpog at Boac sa lalawigan ng Marinduque, kamakailan.

Ayon kay Assistant Provincial Agriculturist Susan Uy, ang pagkakaloob ng broiler chicks ay bilang tugon sa pagbibigay ng alternatibong proyektong pangkabuhayan para sa mga magsasakang lubos na naapektuhan ng African Swine Fever (ASF) na tumama sa probinsya noong nakaraang taon.

"Mahigit 18,000 na mga sisiw ang matagumpay nating naipamahagi para sa unang batch ng mga benepisyaryo na pawang nagmula sa unang distrito ng ating lalawigan," pahayag ni Uy.

Naging katuwang ng Provincial Agriculture Office ang DA-Mimaropa kung saan ay naglaan ang ahensya ng pondong aabot sa P20 milyon na ginamit sa pagbili ng naturang mga broiler chick.

Nakatakda namang ipamahagi sa mga darating na araw ang natitirang 89,000 na mga sisiw sa ikalawa, ikatlo at ika-apat na batch para sa 96 na barangay na binubuo ng 1,723 na mga residente.

Una rito ay naipamahagi na ang tone-toneladang feeds upang masiguro ang lubos na tulong at suporta sa mga benepisyaryo na magdudulot ng matagumpay na implementasyon ng nasabing programa. -- Marinduquenews.com